Навiны

Арганізатарамі мерапрыемства выступілі міністэрствы адукацыі, прыродных рэсурсаў і аховы навакольнага асяроддзя, Еўрапейскі саюз і Праграма развіцця ААН у Беларусі, Рэспубліканскі цэнтр экалогіі і краязнаўства, упраўленні адукацыі аблвыканкамаў, камітэт па адукацыі Мінскага гарвыканкама.

Да ўдзелу ў конкурсе запрашаюцца:

• выхаванцы і педагогі ўстаноў дашкольнай адукацыі, навучэнцы ўстаноў агульнай сярэдняй, прафесійна-тэхнічнай і дадатковай адукацыі дзяцей і моладзі;
• педагагічныя работнікі і супрацоўнікі ўстаноў дадатковай адукацыі дзяцей і моладзі, устаноў дашкольнай адукацыі, устаноў агульнай сярэдняй, прафесійна-тэхнічнай, сярэдняй спецыяльнай, вышэйшай, дадатковай адукацыі, спецыялісты метадычных службаў устаноў адукацыі, вучэбна-метадычных цэнтраў (кабінетаў), супрацоўнікі навукова-даследчых устаноў, члены дзіцячых і маладзёжных грамадскіх аб'яднанняў, работнікі бібліятэк і сродкаў масавай інфармацыі і іншыя.;
• калектывы навучэнцаў i педагогаў устаноў адукацыі, якія маюць рэсурсныя цэнтры як кластары навучання выхавання і прапаганды зялёнага стылю жыцця ( “Зялёная школа” і іншыя).

Мерапрыемства праводзіцца ў два этапы:

I - абласны, Мінскі гарадскі (адборачны) - з 27 студзеня па 20 верасня 2020 года;
II - рэспубліканскі (заключны) - з 25 верасня па 20 кастрычніка 2020 года.

Намінацыі конкурсу:

для навучэнцаў:

• “Зялёныя слядочкі”;
• “Моладзь за зялёную планету!”;
• “Запаведныя маршруты малой Радзімы”;

для педагогаў:

• экалагічная ініцыятыва “Зялёны стартап / праект”;
• педагагічная скарбонка “За прыроду ў адказе і дарослыя, і дзеці”.

Пераможцы і прызёры заключнага этапу конкурсу прадставяць свае работы на выніковым мерапрыемстве ў Рэспубліканскім цэнтры экалогіі і краязнаўства. Яны будуць узнагароджаны дыпломамі Міністэрства адукацыі Рэспублікі Беларусь I, II, III ступені і граматамі Рэспубліканскага цэнтра.

З больш падрабязнай інфармацыяй аб умовах правядзенні конкурсу можна азнаёміцца ​​тут.

Надзея НІКАЛАЕВА, "Звязда"