05.03.2021
“Зялёны клас” на экасцежку кліча нас!
Шэсць школ Завадскога і адна Ленінскага раёна г. Мінска сталі ўдзельнікамі праекта “Зялёныя класы беларускай сталіцы”. Ён рэалізуецца Мінскім гарадскім камітэтам прыродных рэсурсаў і аховы навакольнага асяроддзя і Цэнтрам экалагічнага выхавання і развіцця. Галоўныя мэты праекта – прывіць дзецям любоў і беражлівае стаўленне да прыроднай разнастайнасці роднага горада, прыцягнуць іх увагу да праблем навакольнага асяроддзя.
“Зялёны клас” фарміруецца, калі ў яго добраахвотна запісваюцца не менш за 10 вучняў са звычайнага класа. Пачатковая школа № 39 г. Мінска паставіла рэкорд па колькасці дзяцей, далучаных да праекта. Таму ёй выпаў гонар атрымаць сертыфікаты першай. У гэтай навучальнай установе шэсць “зялёных” класаў. Найбольшым энтузіязмам вызначыўся 2 “Б” пад кіраўніцтвам настаўніцы Алены Максудавай – ён наведвае прыродазнаўчыя заняткі ў поўным складзе.
Ва ўрачыстым уручэнні сертыфікатаў узяў удзел старшыня Мінскага гарадскога камітэта прыродных рэсурсаў і аховы навакольнага асяроддзя Сцяпан Дубніцкі. Ён падзякаваў педагогам і вучням за ўдзел у праекце і выказаў спадзяванне, што яны стануць актыўнымі абаронцамі прыроды.
Дырэктар Цэнтра экалагічнага выхавання і развіцця Руслан Шайкін прывёз у школу разам з сертыфікатамі жаданыя падарункі: біноклі, палявыя дзённікі зеленакласнікаў і ручкі для запісаў, а таксама некалькі экзэмпляраў даведніка “Расліны”, выдадзенага цэнтрам пры фінансаванні Мінскага гарадскога камітэта. Педагогі атрымалі флэшкі з лагатыпам праекта і зборнікі метадычных рэкамендацый да летніх экалагічных змен.
– У адрозненне ад рэспубліканскай праграмы “Зялёныя школы”, наш гарадскі праект засяроджаны на вывучэнні навакольнай біяразнастайнасці, – тлумачыць Руслан Шайкін. – Яго распрацоўка пачалася з ідэі стварыць дзіцячыя аб’яднанні вакол экалагічных сцежак, пракладзеных у Мінску, каб гэтыя сцежкі выконвалі асветніцкую функцыю. Мы выводзім на іх вучняў з бліжэйшых школ і даследуем раслінны і жывёльны свет. Набылі біноклі, партатыўныя камеры і фотапасткі, каб заахвочваць дзяцей да назіранняў у прыродзе, а таксама компасы – для арыентавання на мясцовасці.
Паблізу пачатковай школы № 39 няма абсталяванай экалагічнай сцежкі, але Руслан Валянцінавіч і яго выхаванцы праклалі “зялёны маршрут”. У лесапарку і на невялічкім балоце ім пашанцавала гэтай зімой сустрэць снегіроў, зелянушак, попаўзня, падкрасціся зусім блізка да чачотак і налічыць паўсотню таўстадзюбаў. А ўвесну Руслан Шайкін абяцае новыя прыгоды – пошукі курапатак і шуляковага гнязда. Дзеці літаральна зачараваныя сваім настаўнікам і з нецярпеннем чакаюць наступных заняткаў на прыродзе.
– Праграму “Зялёных класаў” мы відазмяняем для кожнай школы ў залежнасці ад таго, якія біятопы знаходзяцца паблізу, і арыентуемся на віды жывёл і раслін, якія можам там убачыць, – працягвае размову дырэктар цэнтра. – Напрыклад, побач з пачатковай школай № 112 знаходзіцца Чыжоўскае вадасховічша. Таму яе “зялёныя класы” знаёмяцца з чайкамі, зімародкамі, бабрамі і іншай фаўнай вадаёмаў. А з вучнямі сярэдняй школы № 46 выходзім праз тунэль за кальцавую дарогу ў ельнік і назіраем там за каралькамі, пішчухамі, сойкамі. Улічваем таксама індывідуальныя запыты дзяцей. Калі ў класе аб’яўляюцца некалькі чалавек, якім цікавыя, напрыклад, багоўкі, надаем больш увагі насякомым.
Супрацоўнікі цэнтра выбудоўваюць пазнавальнае творчае поле, каб дзеці самі захацелі атрымаць веды, каб яны пыталіся: “Як завецца гэтая птушка? Што гэта за расліна?” “Зялёныя” сертыфікаты атрымаюць 25 класаў з усіх сямі школ – удзельніц праекта. У наступным навучальным годзе яны працягнуць заняткі па паглыбленай праграме.
Святлана ІШЧАНКА, "Звязда"
“Зялёны клас” фарміруецца, калі ў яго добраахвотна запісваюцца не менш за 10 вучняў са звычайнага класа. Пачатковая школа № 39 г. Мінска паставіла рэкорд па колькасці дзяцей, далучаных да праекта. Таму ёй выпаў гонар атрымаць сертыфікаты першай. У гэтай навучальнай установе шэсць “зялёных” класаў. Найбольшым энтузіязмам вызначыўся 2 “Б” пад кіраўніцтвам настаўніцы Алены Максудавай – ён наведвае прыродазнаўчыя заняткі ў поўным складзе.
Ва ўрачыстым уручэнні сертыфікатаў узяў удзел старшыня Мінскага гарадскога камітэта прыродных рэсурсаў і аховы навакольнага асяроддзя Сцяпан Дубніцкі. Ён падзякаваў педагогам і вучням за ўдзел у праекце і выказаў спадзяванне, што яны стануць актыўнымі абаронцамі прыроды.
Дырэктар Цэнтра экалагічнага выхавання і развіцця Руслан Шайкін прывёз у школу разам з сертыфікатамі жаданыя падарункі: біноклі, палявыя дзённікі зеленакласнікаў і ручкі для запісаў, а таксама некалькі экзэмпляраў даведніка “Расліны”, выдадзенага цэнтрам пры фінансаванні Мінскага гарадскога камітэта. Педагогі атрымалі флэшкі з лагатыпам праекта і зборнікі метадычных рэкамендацый да летніх экалагічных змен.
– У адрозненне ад рэспубліканскай праграмы “Зялёныя школы”, наш гарадскі праект засяроджаны на вывучэнні навакольнай біяразнастайнасці, – тлумачыць Руслан Шайкін. – Яго распрацоўка пачалася з ідэі стварыць дзіцячыя аб’яднанні вакол экалагічных сцежак, пракладзеных у Мінску, каб гэтыя сцежкі выконвалі асветніцкую функцыю. Мы выводзім на іх вучняў з бліжэйшых школ і даследуем раслінны і жывёльны свет. Набылі біноклі, партатыўныя камеры і фотапасткі, каб заахвочваць дзяцей да назіранняў у прыродзе, а таксама компасы – для арыентавання на мясцовасці.
Паблізу пачатковай школы № 39 няма абсталяванай экалагічнай сцежкі, але Руслан Валянцінавіч і яго выхаванцы праклалі “зялёны маршрут”. У лесапарку і на невялічкім балоце ім пашанцавала гэтай зімой сустрэць снегіроў, зелянушак, попаўзня, падкрасціся зусім блізка да чачотак і налічыць паўсотню таўстадзюбаў. А ўвесну Руслан Шайкін абяцае новыя прыгоды – пошукі курапатак і шуляковага гнязда. Дзеці літаральна зачараваныя сваім настаўнікам і з нецярпеннем чакаюць наступных заняткаў на прыродзе.
– Праграму “Зялёных класаў” мы відазмяняем для кожнай школы ў залежнасці ад таго, якія біятопы знаходзяцца паблізу, і арыентуемся на віды жывёл і раслін, якія можам там убачыць, – працягвае размову дырэктар цэнтра. – Напрыклад, побач з пачатковай школай № 112 знаходзіцца Чыжоўскае вадасховічша. Таму яе “зялёныя класы” знаёмяцца з чайкамі, зімародкамі, бабрамі і іншай фаўнай вадаёмаў. А з вучнямі сярэдняй школы № 46 выходзім праз тунэль за кальцавую дарогу ў ельнік і назіраем там за каралькамі, пішчухамі, сойкамі. Улічваем таксама індывідуальныя запыты дзяцей. Калі ў класе аб’яўляюцца некалькі чалавек, якім цікавыя, напрыклад, багоўкі, надаем больш увагі насякомым.
Супрацоўнікі цэнтра выбудоўваюць пазнавальнае творчае поле, каб дзеці самі захацелі атрымаць веды, каб яны пыталіся: “Як завецца гэтая птушка? Што гэта за расліна?” “Зялёныя” сертыфікаты атрымаюць 25 класаў з усіх сямі школ – удзельніц праекта. У наступным навучальным годзе яны працягнуць заняткі па паглыбленай праграме.
Святлана ІШЧАНКА, "Звязда"
← Назад
